Ntụcha Ụfọdụ Usoro Mmebeokwu na Okwu Ụfọdụ Gbasara Korona Vaịrọs N’asụsụ Igbo (Analysis of Igbo Words Associated With Corona Virus)
Abstract
Korona vaịrọs bụ nje ọrịa yinyere ụwa niile egwu bido n’afọ 2019 wee kachazie njọ n’afọ 2020. Iji belata ofufe ya na igbochi ya kpọmkwem, e wepụtara okwu dị iche iche. Okwu ndị a ka e ji kọwapụtara ndị mmadụ ụzọ kacha mma ndị mmadụ ga-eji zeere maọbụ gbochie nje a ịgbasa. Mbunuuche nchọcha a bụ ileba anya na mkpụrụokwu ndị gbasara nje ọrịa a, mpụtara ha, usoro mmebeokwu ha, katigori ụtọasụsụ ha dabara. Usoro e ji mee nchọcha a bụ usoro kwọlitetiv. E si n’akụkọ ụwa Orient, my Radio na Ozisa FM, Owerri wee weta ngwa e ji tụchaa nchọcha a. E mere nke a site n’ige akụkọ ụwa sitere n’ụlọ ọrụ mgbasa ozi ndị a ugboro ugboro.A gbadoro ụkwụ n’atụtụ mkpụrụokwu usoro okwu wee mee nnyocha nchọcha a. Atụtụ a na-ekwu na usoro mmebeokwu niile na-agbado ụkwụ na mkpụrụokwu ka e ji tụchaa okwu ndị gbasara nje korona, usoro mmebeokwu ha na katigori ụtọasụsụ ha. A chọpụtara na atụtụ a e ji mee nchọcha a dabara na ntụcha isiokwu nchọcha a.A chọpụtara na usoro mmebeokwu nsụgharị kachabụrụ usoro okwu pụtara ìhè, aha bu katigori ụtọasụsụ kachakwa pụta ihe. Nchọcha a ga-abara ndị ọzọ ga-eme nchọcha n’isiokwu a uru, ka ha ghọta ihe okwu ndị gbasara nje korona, mata ụdị mmebeokwu mkpụrụokwu ndị a bụ.Nchọcha a ga-etinyekwu ihe na ntụlegharị agụmagụ mmebeokwu na usoro mmebeokwu, deregawa. A tụrụ alo ka ndị ọzọ mekwuo nchọcha n’ihe yitere isiokwu a iji chọpụtakwuo ihe ndị nchọcha a achọpụtaghị.
Full Text:
PDFRefbacks
- There are currently no refbacks.
Copyright © 2015-2019. IJAAS. All Rights Reserved.
ISSN:2504-8694, E-ISSN:2635-3709Â