MBURU METUTARA NZUZU NA NSIRIHU UWA NDI IGBO NA NDI BEKEE: N’USORO ASUSU NCHEKE

Abstract

Isiokwu nchocha a bu Mburu Metutara Nzuzu na Nsirihu uwa Ndi Igbo na Ndi Bekee : n’ Usoro Asusu Ncheke. Ebumnuche nwa nchocha bu ichoputa ma e nwere ndiiche di n’etiti echiche  mburu ndi metutara nzuzu na nsirihu uwa ndi Igbo na nke ndi Bekee. Usoro e jiri mee nchocha a bu usoro nkowa nke Sovee. Atutu e jiri mee nchocha bu Atutu Ncheke na  Atutu Njirimee. Ka e mechara nchocha a, a choputara na e nwere otutu ndiiche n’echiche mburu metutara nzuzu na nsirihu uwa ndi Igbo na nke ndi Bekee. Ufodu n’ime ihe ndi a choputara bu: a bia na nsirihu uwa ndi Igbo, ehi bu anumanu na-eri oke oriri ebe ezi na anyinya ibu bu anumanu ziputara nke ndi Bekee. Na nzuzu gbasara nleli na nganga, o bu enyi na torotoro na nsirihu uwa ndi Igbo, ebe o bu enyi nnunu na nsirihu uwa ndi Bekee. Na nzuzu gbasara fomfoju akpa, agwo bu anu nwere anya ukwu na irikota nke ya na ibe ya na nsirihu ndi Igbo ebe o bu  ezi na nsirihu ndi Bekee. Nchocha a ga-abara ndi nkuzi, umu akwukwo na ndi nwere mmasi n’ihe gbasara isiokwu a uru.  Na mmechi, aro nwa nchocha na-atu  bu: ka ndi okwu di n’aka gbaa ndi choro imu asusu na omenala Igbo n’ulo akwukwo di elu ume site n’inye ha ego nkwado ha ga-eji na-agaghari maka ime nchocha gbasara asusu di iche iche. Ha kwesikwara ikwado ndi choro ide akwukwo n’akuko ala obula ume. Nke a gaeme ka e nwee otutu akwukwo ederede maka nke a. E mee etu a, ogo asusu Igbo gaarigo elu karia ka o di ugbu a.